About Course
Periudha: Nëntor – Dhjetor 2025 | Janar 2026 | 8 seanca në muaj | 120 minuta për seancë
Çmimi: 80 Euro/muaj | 240 Euro në total
Ky kurs i avancuar i dedikohet studentëve të vitit të katërt të drejtësisë dhe fokusohet në një nga fushat më dinamike dhe të kërkuara në praktikën ligjore – e drejta e shoqërive tregtare. Përmes një programi tre mujor me gjithsej 24 seanca (8 seanca në muaj, secila me kohëzgjatje 120 minuta), kursi ofron një kuptim të thelluar të kuadrit ligjor që rregullon themelimin, funksionimin, dhe shpërbërjen e subjekteve tregtare.
Përmbajtja e kursit
Kursi nis me një prezantim të përgjithshëm mbi subjektet e së drejtës tregtare, duke i kushtuar vëmendje nocioneve themelore si “person juridik”, “sipërmarrje”, dhe “subjekt tregtar”. Studentët do të njohin format kryesore të shoqërive tregtare të rregulluara nga legjislacioni shqiptar, si: shoqëria kolektive, shoqëria komandite, shoqëria me përgjegjësi të kufizuar (SH.P.K.), dhe shoqëria aksionare (SHA).
Secila formë shoqërore do të analizohet në aspektin e krijimit ligjor, strukturës së brendshme, menaxhimit, përgjegjësisë së ortakëve/aksionarëve, si dhe procedurave për transformim, bashkim apo likuidim. Kursi do të thellohet edhe në raportin ndërmjet të drejtës civile dhe asaj tregtare, sidomos për sa i përket lirisë kontraktore dhe interesave të palëve në një marrëdhënie tregtare.
Një seksion i veçantë do t’i kushtohet detyrimeve ligjore që kanë shoqëritë tregtare, përfshirë mbajtjen e dokumentacionit financiar, publikimin e akteve të caktuara në Qendrën Kombëtare të Biznesit (QKB), si dhe detyrimeve ndaj palëve të treta.
Në fazën e fundit të kursit, trajtohen çështje praktike si konflikti ndërmjet ortakëve, përgjegjësia ligjore e administratorëve dhe organet mbikëqyrëse, duke përdorur shembuj realë nga jurisprudenca dhe praktika e biznesit në Shqipëri.
Metodologjia e mësimdhënies
Kursi strukturohet në mënyrë që çdo tematikë të trajtohet në mënyrë hap pas hapi, duke filluar nga parimet bazë drejt çështjeve më të ndërlikuara. Ligjëratat zhvillohen në mënyrë ndërvepruese, ku studentët inkurajohen të diskutojnë, analizojnë raste konkrete dhe të angazhohen në simulime praktike, siç janë përpilimi i statutit të një shoqërie ose zgjidhja e një konflikti ndërmjet ortakëve.