About Course
Periudha: Prill 2026 | Kohëzgjatja: 4 ditë | Çmimi total: 60 €
Ky trajnim katërditor është ndërtuar për t’i ardhur në ndihmë studentëve të drejtësisë dhe praktikantëve që duan të kuptojnë në mënyrë të qartë dhe të strukturuar një nga temat më të rëndësishme të së drejtës familjare: lidhjen dhe zgjidhjen e martesës. Në një format të thjeshtësuar dhe të kuptueshëm, trajnimet zhvillohen me një qasje praktike, duke e shpjeguar hap pas hapi çdo fazë të procedurës ligjore që lidhet me institutin e martesës dhe rastet e saj të zgjidhjes.
Çfarë përfshin ky trajnim?
- Procedura e lidhjes së martesës
Pjesa e parë e trajnimit fokusohet në hapat ligjorë që duhen ndjekur për të lidhur një martesë në mënyrë të vlefshme sipas legjislacionit shqiptar. Do të analizohen kushtet ligjore që duhet të plotësohen nga palët, dokumentacioni i nevojshëm, kompetenca e gjykatave dhe funksioni i zyrave të gjendjes civile. Pjesëmarrësit do të mësojnë se si hartohet dhe depozitohet kërkesa për lidhje martese dhe si zhvillohet procedura në praktikë, nga momenti i aplikimit deri te regjistrimi përfundimtar në regjistrat e gjendjes civile. - Tre rastet e zgjidhjes së martesës
Pjesa e dytë e trajnimit analizon në thellësi tre format kryesore të zgjidhjes së martesës:
- Zgjidhja e martesës me pëlqim të ndërsjellë,
- Zgjidhja e martesës për shkak të prishjes së marrëdhënieve bashkëshortore,
- Zgjidhja e martesës në rrethana të veçanta që lidhen me mungesë të aftësisë mendore ose shkelje të kushteve ligjore për lidhje martese.
Çdo rast do të shoqërohet me shembuj praktikë dhe analiza të vendimeve gjyqësore për të ndihmuar studentët të kuptojnë logjikën e vendimmarrjes ligjore dhe si të përgatitin dokumentacionin përkatës në rastet konkrete. Gjithashtu do të trajtohen pasojat juridike të zgjidhjes së martesës, si ndarja e pasurisë, kujdestaria e fëmijëve dhe detyrimet ushqimore.